Para curar as relas das vacas, que son uns insectos de cor verde que poden tragar e lles provocan inchas ou mesmo a morte, fervíase unha herba que chamaban "herba do porco" ou "dos bois"; despois, cortábaselles a pel do pescozo cun fuso vello, metíaselles dentro a herba e cosíase.
MES (Vilasuxo, Meira)
Para quitar os piollos que tiñan as vacas facían unha mestura de gasóleo e aceite a partes iguais, e logo botábanllela ás vacas ó longo de todo o corpo.
JFF (Hermunde, Pol)
Unha enfermidade moi típica das vacas antigamente era a tiña. Para tratala, os curandeiros sacudían as ramas dos acivros secos sobre a pel do animal.
MPV (Hermunde, Pol)
Contra a tiña, dábanselle fregas na zona da pel afectada con follas de acivro secas.
YLA (A Muíña, Retizós, Baleira)
0 comentarios:
Publicar un comentario
Valoramos todo o que nos poidas aportar: comentarios, críticas, novos contos (lembra dicirnos onde se contan!), fotografías vellas, e por suposto tamén ánimos...