Vellos con Historia

Alí onde naceu miña mai, preto do San Bernabé, nun lugar chamado Coroto, na parroquia de Martín, contan que no tempo dos mouros, había unha banda de ladróns que enterraban naquel monte todo o que roubaban. Os mouros roubaron tantas cousas e durante tantos anos, que o tesouro se supoñía tan grande que todo o mundo quería encontralo; pero naide nunca o puido encontrar. Tesouro e mouros fixéronse famosos por elo, e é por iso que todo o mundo empezou a chamarlle a aquel monte “O Castro dos Mouros”.
YLA (A Muíña, Retizós, Baleira)