Vellos con Historia

Na mamite, o leite cállase no ubre da vaca e non pode saír. Para tratala, meu avó facíalles fregas con graxa ou pingo do porco sen sal.
YLA (A Muíña, Retizós, Baleira)

Se teñen mamite (infección do ubre), convén aplicarlle unto nel.
PDA (O Chao do Pousadoiro, Ribeira de Piquín)

Cando unha vaca tiña mamite, fregábase o ubre con aceite.
SCG (A Pastoriza)

Cando unha vaca tiña o ubre inchado, había que fregarllo ben con unto de cocho.
ELF (Meira)

Se unha vaca tiña o ubre inchado púñanlle unha mestura de vinagre, sal e mel.
JFF (Hermunde, Pol)