Antes non había tantas enchentes de comida como hai hoxe en día. E claro, cando había a ocasión, comíase todo o que se podía. Un día unha rapaza, neste pobo, no tempo en que as árbores están co froito, foi roubarlle as mazás á veciña. Había dous chantos ao pé do maceiro, subiuse a el, e comeu todas cantas mazás puido, enchendo incluso os petos ata rebentar, para levar algunha para a casa. Pero según ía baixando, toda alegre, esvaroulle un pé e foi caer entre os dous chantos, de onde non podía saír. E o único que se lle ocorreu foi dicir: “Por golotrona quedei atrapada”.
JFF (O Tombo, Fonmiñá, A Pastoriza)
0 comentarios:
Publicar un comentario
Valoramos todo o que nos poidas aportar: comentarios, críticas, novos contos (lembra dicirnos onde se contan!), fotografías vellas, e por suposto tamén ánimos...