Vellos con Historia

Antigamente, dicíase que cando unha persoa morría e deixaba manda de que lle fixesen algunha cousa, esa cousa había que cumprila, porque senón a alma da persoa aparecíase. Entón, a unha señora morreulle a mai. Parece ser que a mai lle deixara dito que cando morrese quería que lle dixesen unhas misas por alguén. A señora non dixo as misas e entón aparecéuselle súa mai. Ela díxolle: “¿Qué queres, mamá?”, e a defunta contestou: ”Que non dixeches as misas que che mandei”, e desapareceu. A señora foille consultar ó cura o ocorrido e este díxolle que non fixese nada, que só tiña que dicir as misas que lle mandara a defunta. Ela dixo as misas e súa mai non se lle volveu a aparecer nunca.
ELF (Meira)