Vellos con Historia

Isto pasoulle ao mellor compañeiro do pai de meu avó, cerca da Ribeira. Era un señor que acababa de comprar unha casa e pola noite oía ruídos cando se metía na cama, como se lle petaran á porta. Unha noite baixou á porta, abriuna e viu unha nena que lle pedía azucre. O señor díxolle que ía á cociña polo azucre pero cando regresou a nena xa non estaba.
Ao seguinte día pola noite sentiu petar á porta. O señor, pensando que era a mesma nena, foi á cociña, colleu azucre na man e foi abrir a porta; e, efectivamente, alí estaba a nena. Esta preguntoulle se lle daba o azucre, e o señor deullo, mais ao momento sentiu un forte peso no pé. Mirou para abaixo e viu o azucre no chan. Cando ergueu a cabeza, a nena xa non estaba, así que pechou a porta. Ao día seguinte, pola noite, o señor viu na prensa que lle dera o pai de meu avó, que era o que repartía por aquel entonces o xornal, unha noticia que contaba da desaparición dunha nena. A nena da foto era a que lle pedira o azucre a noite anterior. Nunca máis se volveu a saber, nin da nena, nin do señor.
AGR (Meira)