Vellos con Historia

Din que en Murias, na parroquia de Martín, unha mañá moi fría e de moita chuvia, un tal Xosé que ía cara un prado seu para facer unhas presas, atopouse cun veciño co que se levaba moi ben, e que, sen embargo, este non lle contestou ao saudalo. Xosé viuno ademais triste e pensativo, e pareceulle todo ben raro. Ao chegar de volta a casa, contoulle o sucedido á súa señora, e esta, moi segura, respondeulle que iso era imposible. O veciño morrera aquela mesma noite…
YLA (A Muíña, Retizós, Baleira)