Vellos con Historia

No lugar de San Bernabé, viviu hai moitos anos un home ó cal lle morrera a muller e as súas dúas fillas. Este home estaba tanta pena e desesperación por saber onde se encontraban espiritualmente as súas defuntas, que decidiu acudir a preguntarlle a unha señora do pobo que tiña fama de poder falar cos mortos. A muller atendeuno e díxolle que se fora tranquilo, que nesa mesma semana tería novas delas. E efectivamente, esa mesma semana, o señor ía camiñando por un carreiro e viu vir de fronte unha muller e dúas mozas. Ó cruzarse, saudounas, e a muller, xirándose cara a el, díxolle: “Adiós meu home”. Nese momento, o home sentiu unha grande paz interior, deuse conta de que elas estaban ben, e foi así que por fin puido vivir máis tranquilo.
YLA (A Muíña, Retizós, Baleira)