Cando unha vaca andaba coxa, cun ferro quente quitábanselle os gabarros, que eran partes de carne viciosa que se lles metían entre as uñas.
MAD (Pousada, A Pastoriza)
Para prever enfermidades de pés como a coxeira, pasábanse pola cinza que quedaba despois de facer a fogueira de san Xoán.
IAV (Miñoto, A Pastoriza)
Se unha vaca estaba coxa, e o mal estaba no pé, apertábanllo ben atándolle un pano de muller cun peso de prata dentro, e deixándollo posto durante uns días. Por iso era frecuente ir polos camiños e atopar un pano cun peso dentro.
IPP (Martín, Baleira)
0 comentarios:
Publicar un comentario
Valoramos todo o que nos poidas aportar: comentarios, críticas, novos contos (lembra dicirnos onde se contan!), fotografías vellas, e por suposto tamén ánimos...