Vellos con Historia

Cando unha vaca ou un boi estaban moito tempo ó sol, encontrábanse mal. Púñaselle a mau nos cadrís e, se soltaba moita calor, dicíase que ese animal tiña solazo. Aplicábaselle entón sobre a zona unha plastumada de vinagre e fariña en papel de estrapo, e ata que estaba ben seco non se lle podía quitar.
ELF (Meira)

Contra os rigores do clima, cando perigaba o animal, adoitábase amantalos, achegarlles un caldeiro con brasas, ou darlles a beber leite con aceite quente; sen esquecernos do unto, que ofrecía un gran servizo no verán ós animais, impedindo a picada de insectos.
MES (Vilasuxo, Meira)

Cando tiñan un solazo nos cadrís, púñanlles placas de barro sobre estes.
Se algunha vaca estaba fría e notaban que non comía, amantábanas ben, xa que daquela a perda dunha vaca producía un gran desgusto.
JFF (Fonmiñá, A Pastoriza)

Se unha vaca estaba soleada, fregábaselle o lombo con aceite e vinagre sen tocarlle o espiñazo, e despois amantábanse. Noutras casas, en vez de aceite, empregaban o unto dos cochos.
SCG (A Pastoriza)